ليله جديده ... من ليالى الحزن
ليله جديده ... من ليالى الحزن
م الليالى اللى بالآه ... مليانين
من جوه قلب الصبي ... المعبي بالانين
بديقة نَفَّــس متعبيه مـــر
ازاى يمـــر ... العمر ده
وانا كل ده ... جوايا صبر
لساك ياواد ... مليان عناد
مليان ... بفــــــجر
دى قالتلك امشي انا مش بريدك
اقطع بريدك ... ويا قصصك ... ويا شعرك
ان شاالله حتى تموت
اقطع وريدك
غور موت بعيد عن طرف توبي
مليت ... وكفرت فـ ذنوبي
زهقت منك و م الحب الزياده
واهى تبقى عاده
و أدوس على القلب وعمايله
***********************
طب حتى كلمه لقلبي ... حايله
قوله ياقلب الواد اللى بيحب بضمير
خليك كبير
واوعى تنزل دمعه ... خليك قلب طير
دى الدمعه غاليه ... للمليانين
حب بـــغلاوه
بقيت مابينى وبين محبتهم ... عداوه ؟؟؟
كنت شايف جوه منك فيض حلاوه
مش ف الرموش
ولا ف العنين
كنت بصبر لما يقتلنى الحنين
كنت شايل قلبك الدفيان بحبي
جوه منى
كنتى حته من ضلوعى
حته منى
كنت فوق وصف المشاعر
كنتى بيكى أديب وشاعر
كنتى كل حاجه حلوه
كنتى سهره
وقمره
كنتى غنوه
مش قادر اتنفس حياتى
كنتى خنجر يوم مماتى
اطعن .. الحب بيه
الف طعنه وطعنه
وكل يوم يتغز فيه
ما خلاص ... دا مات
بتغز ليييه ؟؟؟
بتغزنى بالزكريات
كل اللى فات
خليه بزكرى جميله
كانت وكنا زمان
من الف ليله وليله
بسمه ... عليله
راحت لحالها
وراح جمال البت الصبيه
ويا الظروف ... وحاجات خفيه
بمليون طعنه فـ القلب
بالطعنه اللى هيه
**************
مليون طعنه فـ القلب .. وكل طعنه ... م الطعنه اللى هيه
كتبت بكيبورد مايكل فوزى
.jpg)
0 التعليقات: