اسئله محيره ... !!

شارك الموضوع

قصيده ...

عايزه اتكلم و اسكت فى نفس الوقت

عايزه اقول كل اللى جوايا .. اى مشاعر و اى احساس ... و اتكلم مع كل الناس
اوقات ببقى عايزه اقول على رأيى ... بس بخاف محدش يفهمنى
منا ياما قلت و مفهموش .. ياما و ياما ... و ياما كمان شرحت كتير ياما
وقت بكون زعلانه مضايقه .. عايزه اتكلم ... لكن دايما حاسه ان محدش هيفيدنى اى فايده
ياما ناس كتيير ليا بتحكى و تشكى .. و انا اسمع و اقول فى نصايح و يبقى رأى سديد يتحسبلى
و اجى عند مشاكلى و حالى .. بسكت مش بتكلم منا مش قادره احكى حكاوى
اصل ازاى بعد ما بانصح و يطلبوا رأيى ... يتحكيلى كتير و ازاى اروح احكى
يمكن لو كلمت حد و حبيت اشكى ... يسمعنى من باب الزوق .. و يرجع يسكت !!!
و بكون عايزة اتكلم و اسكت فى نفس الوقت
و وقت بكون مخنوقه خنقه مش طبيعيه ... و انا نفسى حتى السبب مش عارفاله هويه
ببقى عايزه حد برتاحله معايا ... حد اقوله .. حد ارغى معاه و يرغى معايا
حد يخرجنى من اللى انا فيه و اللى فيا ... مش باساليب علميه .. لا بمشاعر صادقه حب و حنيه
يمكن لو كلمت و لمحت بزعلى لحد .. يهرب منى صد ... يبقى ازاى اثق فى حد
و يمكن لو جربت اكلم حد و انا مضايقه .. مش فى حالتى الطبيعيه ... يبعد و يقصر الكلام مهو بس بيكلمنى و انا رايقه
و يمكن لو اتكلمت و حكيت شويه ... يسمعنى و يرد رد قاسى على مشاعرى يقضى عليا
و يمكن احكى لحد برتحاله ... و تكون همومه اكتر منى شويه... فاسكت و برده معرفش اشرحله
و اللى بيسمح يعمل نفسه فاهم التايهه ... و من غير ما اكمل يحكم و يقاضى على كلامى
و بكون عايزة اتكلم و اسكت فى نفس الوقت
و ليه احكى مع حد بيسمعنى و يصدنى صد و رد ... و كانه قاضى مش صاحب بجد
ما انا اصلى ياما جربت كتيير .. انى افضفض و احكى حكاوى ... لكن ياما لقيت رد الفعل مش متوقع بالنسبالى
يمكن معنديش اسرار .. يمكن حواديتى عاديه شويه ... دا بالنسبالك منا برده بحس نفس احساسك اما تكون عايز تحكى
يمكن تكون مشكلتى واحده و بكررها كل شويه ... و دا برده يدينى الحق انى احس انى اتكلم زى ما انا عايزه
و بكون عايزة اتكلم و اسكت فى نفس الوقت
طب ليه انا اما بلاقى حد حزين شويه ... بروجله حتى من غير ما يلجأ ليا
هوا انا كدا بفرض نفسى عليه ولا ديه حاجه طبيعيه ... انا حيرانه بجد و حالتى غريبه عليا
و انا مع الايام اتعودت .. مبانشى ضعيفه ابان قويه ... حتى لو مضايقه ابين انه ولا يفرق .. حاجه عاديه !!!!
حاجه عاديه .. كلمه عادى ... كلمه بقولها فى كل كلامى و فعلا هيا عاديه
عادىتبقى حياتى من غير ناس معايا و مش حواليا ... عادى ابقى حزينه ولا حدش يحس ولا يسال فيا
و يمكن اللى يشوفنى يوم حزينه شويه ... يفتكرنى بمثل عايزه حبه اهتمام و حنيه !!!
و بكون عايزة اتكلم و اسكت فى نفس الوقت
ياما كتير ناس قالولى اما تقابلى حب بجد ... مشكلتك ديه هتخلص و دا منه ولابد
هوا ياربى الاحساس فى الحب و بس حاجه شكليه !! ... اصل انا فاكره انه مرتبط بالانسانيه !!!
انا مش عايزه سؤال و جواب .. كأنه واجب عليك و عليا ... انا عايزة ناس تكون جنبى فى محنتى و حواليا
ناس بتحب بجد بتفهم معنى الصحوبيه ... نقدر و نحس و نفهم بعضينا شويه
ناس ليها مشاعر .. ناس جدعه بجد ... اعرف الجأ ليهم و انا واثقه مليون الميه
عمرى ما جربت الجا لحد علانيه ... دا مش عيب فيا .. بس محدش فيهم وصلنى للثقه ديا
نفسى فى حاجه عاديه و مش عاديه .. نفسى الناس تفهم حالتى ... مش علشانى .. بس اكيد فيه زيى أغلبيه !!!
و اكيد كل واحد من الاغلبيه بيبقى نفسه يتكلم و يسكت فى نفس الوقت !!
By : moro.Y
On : 3-7-2012