قصيده - راحوا في الاتوبيس - أكرم شحات

شارك الموضوع

قصيده - راحوا في الاتوبيس - أكرم شحات

by Akram Shahat Abdo
راحوا في الاتوبيس مجوش
والحقوق بتضيع فشوش
دم مصر بقي في عينيهم
دمعه علي حبه قروش

وسيبوا دمي علي القميص
واحرموا الاولاد تعيش
والشعوب عادي تموت
ويحيا فخامه الرئيس

وامسحوا دم القطار
بالادانه بكام قرار
يمكن ان الشعب ينسي
والكروش تلقي الفرار

او نقول القطر كافر
حادثه عاديه ونواصل
او بلاء الله لمؤمن
ويبقي فاصل ونواصل ...

بص واسمعني بامانه
البلد شبعت اهانه
لو فشلت في الرئاسه
تستحق حكم الخيانه

قبل ما تصليلي جمعه
قوم يا مرسي امسحلي دمعه
صلح الحال اصحي طور
تلقي دعوه من القلب جامعه

قبل ما تحررلي غزه
عيش المصري بعزه
تلقي شجر النهضه يطرح
تلقي كلمه مصر بارزه
أكرم شحات