لما تلاقيها ‫مخنوقه‬ تعبانه وبتعيط .. حاول تكون

شارك الموضوع

مشاركة
لما تلاقيها ‫مخنوقه‬ تعبانه وبتعيط

حاول تكون

الايد اللي قبل ما تطبطب عليها

تمسح دمعتها وتقويها

.. انا نفسى فى كده اوى .. نفسى ماتسبنيش اعيط 

لوحدى واتعب 

نفسى تحس بيا وتمسح دموعى مش تزودها 

ببقى محتاجالك اوى وانا مخنوقه وبعيط لانك بكلمه منك 

بتريحنى  وبتقوينى ف عز ضعفى وتخلينى فرحانه .. ليه 

بتزود دموعى وليه بتوجعنى وانت عارف انى مش بفرح غير 

بيك ومعاك 

 

لما تلاقيها ‏محتاجاك‬ ومن غيرك بتعاني

حاول تكون

جنبها تطمنها وبقربك تدفيها حاول

تهون عليها وتحسسها انها مش وحيده

.. نفسى احس انك جمبى فعلا ومش سايبنى نفسى 

احس انك حواليا ومعايا ودايما ايدك ف ايدى ومش مفارقنى 

 .. نفسى تكون حاسسنى ومعايا دايما وتقف جمبى 

وتطبطب عليا .. انا من غيرك بموت وتعبانه وببقى محتاجاك 

جمبى .. ليه بتيجى عليا اكتر من انك تقف جمبى وتطمنى

حاسه انى وحدى وماليش حد وقلبك بيكون قاسى عليا

لما تلاقيها شايطه ومتعصبه و ‫‏متكهربه‬
حاول تكون
المهدأ اللي يهدي اعصابها وخدها في حضنك
ضمها صدقني زي طفله بريئه هتسكت
وفي حضنك هتهدي وهتنام


.. صدقنى انا محتاجالك جمبى وبموت وانت مش معايا ولا حاسس بيا .. حضنك بالنسبالى امانى وحمايتى وبيتى اللى برتاح فيه .. نفسى انت اللى تهدينى وقت ما اكون متعصبه مش تزعقلى وتيجى عليا وكتير تغلط فيا .. نفسى ايدك تكون محوطانى بجد واكون مش خايفه من حاجه 

لما تلاقيها حاسه بالخوف‬ انك تكون مش ليها
حاول تكون

الثقه والامان ليها اكدلها انك مش هتفارق عنيها

قولها لو كل العالم اتحداني هاجي وهخطفك

تعبانه وموجوعه اوووووووى .. لانك كل ما تدينى الامان انك 

ليا ومش هاتسيبنى بتيجى فـ لحظه وتسحبه تانى كأنك 

بتسحب روحى منى وانت بتقولى مش هاكمل .. طيب ليه 

بتوعد فيا وتقولى انا ليكى وعمرى ما اسيبك ولا اتخلى 

عنك وتدينى الامان والثقه وتيجى وتسحبهم منى وتسحب 

اى كلمه .. ليه دا انا ماليش غيرك وانت عارف كده كويس 

اوى .. عارف انى من غيرك هاموت وهاكون ضعيفه بحبك .. 

ليه بتستقوى عليا كده .. ليه دا انا عمرى ما عملت حاجه 

تخلينى استاهل منك كده

طول عمرى حنينه معاك وانت بالنسبالى ابنى اللى بخاف 

عليه من الهوا .. بالنسبالى الامان والحب وكل حاجه حلوه 

.. نفسى تطمنى اكتر انك ليا وانك فعلا معايا ومش 

هاتسيبنى 

دا انا بموت ف كل حاجه فيك .. بخاف ازعلك .. وبحترمك 

وبقدرك وبقدر مشاعرك واحترمها اوى ليه انت مش بيهمك 

مشاعرى تتوجع ولا بيهمك نفسيتى بتبقى عامله ازاى لما 

تهنى وتستقوى عليا وتزعق فيا وتقفل ف وشى وبرجع 

بكلمه حلوه منك وبنسى اى حاجه انت عملتها لانى مش 

بزعل منك وعليا اتحملك العمر كله ما انت اللى ليا وحبيبى 

واللى 

بحبه اوى وعشانه استحمل اى حاجه 

ليه دايما بتقولى انا هاقف قدام الدنيا كلها علشانك وتيجى 

بعد كده وتغير كلامك واحس انى عندك رخيصه اوى ولا ليا 

قيمه ومش فارق وجودى معاك 

ليه كده ..

ضحكها اعملها مفاجأه‬ حتي لو بأقل شئ هتفرح

حاول تكون مصدر ‫سعادتها‬

لانها اعتبرتك كل حياتها

انت فعلا كل حياتى ومصدر فرحى بس بينى وبين نفسى .. 

انما ف الحقيقه انت بتوجعنى وبتيجى عليا كتير اوى 

وبتستقوى عليا اوى اوى اوى 

وانا من حبى فيك بستحمل وبسكت بس صدقنى جوايا 

موجوعه اوى .. نفسى انام يوم وانا فرحانه ومبسوطه 

نفسى ماخافش من بكره هايكون ايه ولا فيه ايه 

انت كل حاجه ف حياتى انت حبيى وخطيبى ونور عينى 

من 

جوه انت اللى كلها كام شهر وخلاص هانبقى ف بيت واحد 

.. بس اقولك ع حاجه انا مابقتش واثقه فيك ولا ف اى 

حاجه ولا واثقه ف بكره ولا ف اى حاجه بقيت خايفه ف اى 

لحظه تسيبنى علشان مزاجك كده او علشان انت عايز كده 

 .. انت اللى حلمت معاه اعيش عمرى 

ا

لله يخليك ماتستقواش عليا ولا توجعنى صدقنى انا بموت 

ف اليوم الف مره من الوجع اللى جوايا  اتحملت خيانه 

واتحملت كدب وضغط عليا واتحملت وجع كتير وكل دا 

صدقنى وانا مسامحه 

انا كل يوم وكل لحظه بعيط فيها من اللى انا حساه وتاعبنى

انا ماليش غيرك وانت عارف الله يخليك كون معايا وماتسبنيش انت اللى ليا .. انا بفرح بيك .. 

ه ربنا يخليك ليا ومايحرمنيش منك ابدا ولا من قلبك اللى انا عايشه بيه

  يارب اهديه عليا وحنن قلبه عليا وخليه دايما معايا

يارب حافظلى عليه واحميه واقف معاه وماتسبهوش 

صدقنى يارب انا مش بزعل ولا بشيل منه دا انا اشيله فوق راسى وبين عينيا اخبيه واحميه من اى حاجه 

دا هو كل اللى ليا بس خليك معاه يارب وحنن قلبه عليا 

يارب خد من عمرى وطول ف عمره هو 

ابعد عنه اى شر واى حاجه وحشه ودايما فرح قلبه واسعده واديله اللى بيتمناه وبيحلم بى وماتحرمهوش من حاجه

ماتسبنيش يا حبيبى وماتوجعنيش ولا تيجى عليا انا ماليش غيرك وطمنى دايما بوجودك معايا انا ماستاهلش منك انى اشوف نفسى رخيصه اوى كده عندك ومش فارقه معاك .. ليه كل يوم بحال مره تحسسنى انى غاليه اوى عندك ومره تانيه كأنى مش موجوده اصلا ولا فارق معاك انك تعيش من غيرى عادى رغم انك غالى اوى اوى عندى بجد