أم راحت تزور ابنها ( انور) لمدة 3 أيام في دبي علشان بيشتغل هناك
وشافت إن ابنها ساكن مع وحده اسمها ( ناتاشا )
البنت ديه مشتركة معاه في الغرفة زميلة غُرفه !!
معرفتش تعمل إيه بعد ما لاحظت إن ( ناتاشا )
اللي مشاركة ابنها في الغرفه حلوة أوي و جذابة
فـتوقعت ان في علاقة بينهم وداه خلاها تحس بالفضوووووول الشديد
انور قدر يقرا أفكار أمه و اتصرّف بسرعة
وقال لأمه : أنا عارف إيه اللي انتي قاعده بتفكري فيه
أحب اطمنك إني انا وناتاشا مجرد زملاء، متشاركين بالغرفه لا أكثر ولا أقل
الأسبوع اللي وراه ناتاشا قالت لانور : من يوم ما سافرت مامتك والسكرية الفضية
بتاعتي ضايعة تفتكر مامتك خدتها معاها ؟؟؟؟؟
انور قال : أشك فكده بس خليني أبعتلها ايميل عشان أتأكد ، قعد و كتب الإيميل لأمه :
أمي الحبيبه
أنا ما بقولش إنك ( اخذتي ) السكرية الفضية من بيتي ولا بقول إنك ( ما خذتيهاش )
بس الحقيقه إن السكرية الفضية بتاعت ناتاشا ضاعت من أول ما رجعتي مصر..
تحياتي
انور
بعد كم يوم ، وصل له رد أمه على الإيميل و الرد يقول :
عزيزي انور
أنا مبقولش إنك ( متصاحب ) مع ناتاشا ، ولا بقول إنك (مش مصاحبها )
بس الحقيقه بتقول إن لو هي بتنام على سريرها الخاص
كانت لقت السكرية الفضية عليه من أول ما رجعت انا لمصر
تحياتي
أمك يا حمار :
.jpg)
0 التعليقات: