حب مليان امل

شارك الموضوع

اتعودت اكتبلك رسايل حب ... مليانه طيبه بأمل

اتعودت اكتبلك رسايل حب ... مليانه طيبه بأمل
مليانه بالالوان
شبهك بريئه
ذيك رقيقك ...
بس انتى كنت دايما احلى منها
يمكن تكون اخر رساله ... يمكن يكون اخر كلام اكتبه
يمكن فـ يوم تــقريها ... يمكن فـ يوم تشوفيها
**********************************
حبيبي ... كلمه عمرى ماقلتها لحد... وقولتهالك ... امانه عليكى ... دى امانه شيلتهالك
لتحافظى على نفسك ... وروحك .. اللى سكنانى ... ماليه ضلوعى ... وجوه منى ... مليانى
لتخلى بالك ... من اديكى ... من عنيكى ... من الشمس السخنه اللى قولتلك اوعى تمشي فيها
من الضحكه الصافيه ... اللى قولتلك ... اوعى تخبيها
من لون عنيكى السود ... وهى لمعانه ... من ضافرك اللى اتعورتى بيه
بتقولى ايه ؟؟؟
مش سامع من انين القلب ... اتعودت فـ غيابك ... اموت م الحب
و رحت لــ درب ... ليله طويل ... و بزياده
حكاية حب ... متعاده
فـ نقطه واحده ... فـ الفرقه
عشان حبي محدش حبه .. بالحُرقه
امانه تخافى على قلبي اللى جواكى ... امانه تحافظى ع الايام ... على سنينى ... على تعبي .... على انينى
على الاحزان ... على الايام اللى سبتها عشانك
عشان اجبلك عقود الضي ... واغزلها على جبينك
على اصحابي ... و احبابي ... اللى سبتهم ورحتلك
على ضلك
على الاشواك
زرعتلك ... سنين عمرى بلون الدم
وشلت الهم ... من بدرى
سنين سهرى
فدا رموشك ...
امانه تحافظى ... ع الضحكه
امانه عليكى تداوينى ...
امانه تشوفى فـ شارعنا ... نسيم حبي
امانه تبصى فـ اديكى
امانه تبصى فـ التلفون
لكل رساله بعتاها ... لكل حكايه ... حكناها
وتبتسمى
يا اغلى من حروف اسمى
هقولك سر ... انا بنزف ... بموت دلوقت
ونازل الدمع من عينى
خلّط الدم بالدمعه
وبكتبــــلك
ومش شايف ...
كلام متعاد ... بمر عناد ... بـ حبر اسود
فـ قلبي الفرح ... اتبدد
وضحكه بفيض دموع نازل
يارب الفرح يتنازل .. واشوفك مره بالصدفه
اشوفك بس .... فرحانه
ومش لازم تشوفينى
وانا بنزف
ومن عينى
..
....
......
حبيبك مات
يا نور جواه .... طلع حكايات


كتبت بكيبورد مايكل فوزى