كل حاجه و عكسها

شارك الموضوع

قصيده .. كل حاجه و عكسها

 

كل حاجه و عكسها

 
- يا حبيبى ... ياللى لسه مجهول الهويه -
- عايزه اقولك كلمتين فى نفسى ... دنا ياما حلمت بصفاتك ديه -
- ارجوك تسمعنى .. هما مش كتير اوى .. بس برده كتير شويه -
... انا عايزه .. عايزه فيك كل حاجه و عكسها ...
- عايزاك راجل بجد ... و ... روش و شقى شقاوه مش طبيعيه -
- عايزاك مرح و دمك خفيف .. و .. مش تافه عاقل اوى و رايك له حكمه قويه -
- عايزاك حنين اوى عليا .. و .. قاسى شويتين و شويه -
- عايزاك راجل كله خشونه .. و .. رقيق رقه مش طبيعيه -
... عايزه فيك كل حاجه و عكسها ...
- عايزاك وديع و هادى .. و .. شخصيتك قويه -
- عايزاك بتتكلم بتلقائيه .. و .. تبقى حاسب الكلمه رايحه فين و جايه -
- عايزاك كريم اوى اوى.. و .. حريص برده كدا شويه -
- عايزاك طموح زى الصاروخ .. و .. تبقى بترضى بالحاجه القليله ديه -
... عايزه فيك كل حاجه و عكسها ...
- عايزاك غيور اوى عليا ... و ... عندك ثقه عاليه اوى فيا -
- عايزاك عاشق مجنون بيا .. و .. مبتدىء بتتعلم فى الحب لسه الابجديه -
- عايزاك طيب اوى .. و .. شرير و مهاب و عينيك شرانيه -
- عايزاك حكيم الحكمه الذكيه .. و .. بسيط البساطه العفويه -
... عايزه فيك كل حاجه و عكسها ...
- عايزاك تحبنى حب بجد نار .. و .. زى البخار الحب دا يطير شويه -
- عايزاك فاهمنى اكتر من اى حد فى الدنيا .. و .. وقت تبقى كأنك لسه بتتعرف عليا -
- عايزاك تعرف امتى تنفذلى طلباتى .. و .. امتى تقولى لالالا قويه -
- عايزاك تعرف امتى تقسى و تقول كلمه قويه .. و .. و امتى تداوى بحنيه -
... عايزه فيك كل حاجه و عكسها ...
- عايزاك تعرف امتى تقرب اوى .. و .. امتى تبعد شويه -
- عايزاك تعرف امتى تفاجئنى مفاجاه حلوه .. و .. و امتى تمنعها شويه عليا -
- عايزاك تعرف امتى تهزر هزار شديد .. و .. امتى توقف و امتى يكون هزار بسيط بحنيه -
- عايزاك تعرف امتى تخلينى كل حياتك .. و .. امتى تهدى كدا شويه -
... عايزه فيك كل حاجه و عكسها ...
- عايزاك تعرف امتى تخاصمنى .. و .. امتى تصالحنى و امتى تسبنى شويه -
- عايزاك تعرف امتى تكلمنى كلام ناشف .. و .. امتى تكلمنى برومانسيه -
- عايزاك تعرف امتى تاخد موقف و تبقى جامد .. و .. امتى ترضى انك تكون ساكت شويه -
- عايزاك تعرف امتى تبقى رايق و فايق .. و .. امتى تبقى مليان و كلك عصبيه -
... عايزه فيك كل حاجه و عكسها ...
- عايزاك تعرف امتى تقول كلمه ناشفه تجرح فيا .. و .. امتى تقول نفس الكلمه بس بحنيه -
- عايزاك تعرف امتى تقفلى على الواحده .. و .. امتى تصبر اوى عليا -
- عايزاك تعرف امتى تنشلنى من حيرتى .. و .. و امتى تسبنى حيرانه كدا بس شويه -
- عايزاك تعرف امتى تنام نومه هنيه .. و .. امتى تسهر قلقان عليا -
... عايزه فيك كل حاجه و عكسها ...
- عايزاك تعرف امتى تبقى ذكى و عبقرينو .. و .. امتى يبقى الغباء عندك غيه -
- عايزاك تعرف امتى تعاتبنى و تحاسبنى .. و .. امتى تعمل نفسك مش شايف الغلطه ديه -
- عايزاك تعرف امتى تساعدنى مساعده قويه .. و .. امتى تسيبنى اتعلم لوحدى شويه -
- عايزاك تعرف امتى تسبنى ولا تسأل فيا .. و .. امتى تحايلنى و تطبطب عليا -
... عايزه فيك كل حاجه و عكسها ...
- عايزاك تعرف امتى تشد اوى عليا .. و .. امتى ترخى الشده ديه -
- عايزاك تعرف امتى تقول كلمه واحده مفيهاش رجعه .. و .. امتى تسمح بالمناقشه فيها ديه -
- عايزاك تعرف امتى تبقى جرىء مووووت .. و .. امتى تبقى خجول و بتتكسف شويه -
- عايزاك كدا فى معاملتك معايا .. و .. مع كل الناس اللى حوالينا حواليك و حواليا -
من الاخر يعنى بقى ...........
- عايزاك تعرف امتى تعزف فى الحياه لحن رقيق و هادى .. و .. امتى تعزف لحن صاخب فيه عدوانيه -
... عايزه فيك كل حاجه و عكسها ...
By:moro.Y
On: 9-05-2012